Ikastetxearen Hezkuntza Proiektuaren (IHP) helburu nagusia da ikasleen eta haien familien beharrak eta asmoak aseko dituen hezkuntza-zerbitzua eskaintzea, kalitatezko irakaskuntza emanez, eskola- eta gizarte-komunitatearen eskakizunei erantzunez eta ikasleen banakako berezitasunak kontuan hartuz. Hori guztia maila pertsonalean garatu, mundu akademikoan aurrera egin eta bizitzarako presta daitezen. Ikastetxearen Hezkuntza Proiektuan jasotako hezkuntza-printzipio eta balio hauei jarraituko die ikastetxeak:

– Askatasuna eta pluraltasuna: Hezkuntzak ikasleak gaitu behar ditu, jakintzatik, eskaintzen diren aukera guztien artean askatasunez aukeratzeko, eta uko egin behar dio edozein motatako doktrinamendu erlijioso, politiko edo bestelakoari.

– Parte-hartze demokratiko iraunkorra Solidaritatea, Tolerantzia eta Errespetua balioetan, ikasleen artean “INDARKERIARIK EZA” eta besteekiko eta gure inguruarekiko errespetua sor ditzan.

– Berdintasuna eta hezkuntza-ekitatea: hezkuntzarako eskubidetik, aukera-berdintasunetik eta zailtasunen konpentsaziotik, ikasle bakoitzari bere ibilbide akademikoan behar duena emateko.

– Hezkuntza inklusiboa. Ikasle guztien beharrak identifikatzea eta aniztasunari arreta ematea, ikaskuntzan parte-hartze handiagoa izanez.

– Hezkuntza-komunitateko kide guztien erantzukizuna beren eginkizunetan, bizikidetza-arauak onartuz eta aktiboki parte hartuz.

– Ahalegina, jarrera positiboa eta jakin-min zientifiko, humanistiko eta artistikoa sustatzea, autonomia eta espiritu kritikoa lortzeko.