Basoko BHI
Iruña
Basoko BHI bigarren hezkuntzako ikastetxea Iruñeko Iturrama auzoan dago. Azpilagainako, José María Huarteko eta Iturramako lehen hezkuntzako ikastetxeetako ikasle gehienak hartzen ditu, bai eta beste auzo, udalerri eta ikastetxe batzuetako beste ikasle batzuk ere, propioz Basoko BHI aukeratu dutenak ikasketak jarraitzeko.
Geure istitutoa
Ikastetxean ingelesezko murgiltze-programa berezituak eskaintzen ditugu, ikasleek, programaren arabera, hizkuntza horretan ematen dituzten irakasgaien kopurua handiagoa edo txikiagoa izan dadin. Euskaraz, alemanez eta frantsesez ere ematen dira klaseak.
Motor ezintasuna dutenentzat ere Basoko lehentasunezko zentroa da. Hezkuntza-premia bereziak dituzten ikasleentzako UCE talde bat daukagu (Pedagogia Terapeutikoko irakasleek kudeatua), DBHko 2. eta 3. mailetan PMAR taldeak (Ikaskuntza eta Errendimendua Hobetzeko Programak), bai eta aniztasunari erantzuteko hainbat neurri ere, ikasleen premien arabera.
Hala ere, Basoko BHI ez da soilik nabarmendu hizkuntzen irakaskuntza integratuaren eta arreta espezializatuaren alde egin duelako. Gure zentroa batez ere giza talde bat da. Egunero lan egiten dugu gure burua gainditzeko eta bizikidetza, inklusioa eta hezkuntza-kalitatea hobetzeko, gure ikasleen prestakuntza hobea lortzeko bide gisa. Ikastetxearen hezkuntza-proiektua eta gure misioa eta balioak funtsezko zutabe horien gainean landu ditugu, eta gure irakasleen eta irakasle ez diren langileen eguneroko lanean eta ahaleginean laguntzen dute. Gaur egun, hainbat proiektu ditugu martxan, nahi dugun kalitatezko zentroa eraikitzen jarraitzeko asmoz:
-
“Proeducar-Hezigarri” proiektuak eskola-porrota murriztea eta pertsona bakoitzaren prestakuntza bere beharretara egokitzea du helburu. Proeducar, prestakuntza integrala, gaitasunen araberako ebaluazioa, metodologia berrien erabilera, irakaskuntza partekatua, ikasle ekonomiko eta sozialki behartsuei laguntzea eta abar sustatzen ari da.
-
“Etxeak” proiektuak ikasle berrien bizikidetza hobetzea du helburu, eta DBHko 1. mailako taldeetako ikasleak nahasteko hezkuntza-ekitaldiak antolatzeaz arduratzen da.
-
Beste proiektu batzuk: jolasaldien dinamizazioa, otordu osasungarriak, birziklatze programa, zine proiektua…
Gure institutuko bizitza akademikoa aberatsa eta askotarikoa da, eta irakasle eta ikasle asko erabat inplikatuta daude, ikastetxe hau leku hobea, atseginagoa eta zoriontsuagoa izateko ilusioz eta gogoz, dena liburuak, azterketak eta estresa izan ez daitezen.
